Бо дастури Президенти Тоҷикистон ба оилаҳои аз офати табиӣ зарардидаи Вилояти Мухтори Кӯҳистони Бадахшон кумак фиристода шуд

Нашр шуд. Душ, 20/02/2023 - 17:51

Дар асоси дастуру супоришҳои Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба оилаҳои аз офати табиӣ зарардидаи шаҳру ноҳияҳои Вилояти Мухтори Кӯҳистони Бадахшон кумак иборат аз либоси зимистона, пойафзол, маводи ғизоӣ, печи аловӣ, кат бо ҷиҳози хоб ва дигар лавозимоти зарурӣ фиристода шуд, хабар медиҳад АМИТ «Ховар».

Дар Гаага Брифинг оид ба Конфронси оби СММ баргузор гардид

Нашр шуд. Душ, 20/02/2023 - 10:45

17 феврали соли 2023 дар шаҳри Гаага Брифинги муштараки Подшоҳии Нидерланд ва Ҷумҳурии Тоҷикистон бахшида ба омодагиҳо ба Конфронси Созмони Милали Муттаҳид оид ба баррасии миёнамӯҳлати Даҳсолаи об баргузор гардид. Брифингро директори генералии ҳамкориҳои байналмилалии Вазорати корҳои хориҷии Нидерланд хонум Китти ван дер Ҳейден ва сафири фавқулода ва мухтори Ҷумҳурии Тоҷикистон дар Подшоҳии Нидерланд Эркинхон Раҳматуллозода ҳусни оғоз башиданд. Дар ин бора аз Вазорати корҳои хориҷии Ҷумҳурии Тоҷикистон иттилоъ дод.

ТАШАББУСИ ПРЕЗИДЕНТИ ТОҶИКИСТОН ОИД БА ҲИФЗИ ПИРЯХҲО. Он боиси дастгирии ҳамаҷониба буда, роҳ ба сӯи ояндаи дурахшони Замин ва башарият аст

Нашр шуд. Душ, 20/02/2023 - 10:16

Яке аз таҳдидҳои глобалӣ ба зиндагии башар коҳиши захираҳои об мебошад. Мушкилоти истифодаи об дар ҷаҳон ба омили муҳими таъсиргузор ба иқтисодиёту иҷтимоиёт, инчунин таъмини амнияти минтақавӣ ва миллӣ табдил ёфта истодааст. Чунин иброз доштааст дар маводи ба АМИТ «Ховар» пешниҳодкардааш доктори илмҳои фаласафа, корманди масъули Академияи миллии илмҳои Тоҷикистон Рустам Ҳайдаров.

Дар зимн матни пурраи он пешкаши хонандагон мегардад.

Моҳи декабри соли 2022 Маҷмаи Умумии Созмони Милали Муттаҳид дар иҷлосияи 77-уми худ Қатъномаи «Соли 2025 — Соли байналмилалии ҳифзи пиряхҳо»-ро, ки аз ҷониби Ҷумҳурии Тоҷикистон пешбарӣ шуда буд, якдилона қабул кард.

Соли гузашта Тоҷикистон бо 52 давлати хориҷӣ низоми бе раводиди яктарафа ҷорӣ намуд

Нашр шуд. Шан, 18/02/2023 - 10:20

1 январи соли 2022 мутобиқи қарори Ҳукумати ҷумҳурӣ бо 52 давлати хориҷӣ низоми бе раводиди яктарафа ҷорӣ карда шуд. Дар ин бора 17 феврал зимни нишасти матбуотӣ дар Вазорати корҳои хориҷӣ хабар дода шуд.

Тибқи «Қоидаҳои барасмиятдарорӣ дар бораи додани раводид ва раводиди электронии Ҷумҳурии Тоҷикистон ба шаҳрвандони хориҷӣ ва шахсони бешаҳрванд», номгӯи давлатҳои хориҷие, ки шаҳрвандони онҳо ҳуқуқи бо тартиби сода гирифтани раводиди Тоҷикистонро доранд, бо қарори Ҳукумати ҷумҳурӣ аз 25 январи соли 2017 тасдиқ шудааст.

Страницы