Президенти мамлакат Эмомалӣ Раҳмон дар ноҳияи Қубодиён майдони Парчами давлатии Ҷумҳурии Тоҷикистонро мавриди баҳрабардорӣ қарор доданд

Нашр шуд. Сеш, 01/11/2022 - 16:34

1 ноябр Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар кӯчаи Исмоили Сомонии ноҳияи Қубодиёни вилояти Хатлон майдони Парчами давлатии Ҷумҳурии Тоҷикистонро мавриди баҳрабардорӣ қарор доданд.

Парчами давлатӣ ва гулгашти атрофи он дар доираи тадбирҳои ободонӣ ба истиқболи ҷашни 35-солагии Истиқлолияти давлатӣ дар шафати бинои Мақомоти иҷроияи ҳокимияти давлатии ноҳияи Қубодиён қомат афрохта, барои тақвияти эҳсоси худшиносиву худогоҳии сокинон ва баргузории чорабиниҳои гуногуни ноҳиявӣ макони мувофиқ ба ҳисоб меравад.

Баландии пояи Парчами давлатӣ 46 метр, дарозӣ ва паҳноии матои он 12 бар 6 метрро ташкил медиҳад.

Ҷаласаи навбатии ҳайати мушовараи Кумитаи телевизион ва радиои назди Ҳукумати Ҷумҳурии Тоҷикистон

Нашр шуд. Сеш, 01/11/2022 - 16:29
jalasa-1.jpg

1 ноябри соли 2022 ҷаласаи навбатии ҳайати мушовараи Кумитаи телевизион ва радиои назди Ҳукумати Ҷумҳурии Тоҷикистон баргузор шуд.

Дар ҷаласа масъалаҳо оид ба вазъи таҳияи барномаҳои иттилоотию таҳлилӣ дар шабакаҳои телевизионӣ ва радиоӣ, фаъолияти дастаҳои ҳунарӣ, раванди ба формати рақамӣ гузаронидани маводи бойгонӣ ва дигар масъалаҳои мубрам мавриди баррасӣ қарор гирифт.

Мулоқот бо Мудири Дафтари минтақавии Созмони ҷаҳонии тандурустӣ (WHO) барои Аврупо Ҳанс Ҳенрӣ Клюге

Нашр шуд. Душ, 31/10/2022 - 15:23

31 октябр дар Қасри миллат Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Мудири Дафтари минтақавии Созмони ҷаҳонии тандурустӣ (WHO) барои Аврупо Ҳанс Ҳенрӣ Клюгеро ба ҳузур пазируфтанд.

Дар мулоқот масоили ҳамкории Тоҷикистон бо Созмони ҷаҳонии тандурустӣ мавриди баррасӣ қарор дода шуд.

Президенти мамлакат муҳтарам Эмомалӣ Раҳмон дар оғози суҳбат аз таҳкими ҳамкории дуҷониба изҳори қаноатмандӣ карда, вохӯрии имрӯзаро фурсати муносиб барои идомаи муколамаи созанда арзёбӣ намуданд.

Зимни мулоқот оид ба рушди ҳамкорӣ дар соҳаи тандурустӣ, солимии аҳолӣ ва беҳдошт дар Тоҷикистон табодули андеша сурат гирифт.

Страницы