25-29 апрели соли 2023 дар шаҳри Ботканд вохӯрии ҳайатҳои ҳукуматии Ҷумҳурии Тоҷикистон, Ҷумҳурии Қирғизистон ва Ҷумҳурии Узбекистон баргузор гардид. Дар ин хусус ба АМИТ «Ховар» дар Вазорати корҳои хориҷии Ҷумҳурии Тоҷикистон хабар доданд.

 Зимни гуфтушунид ҷонибҳо оид ба масъалаи муайян кардани нуқтаи пайвастшавии хатҳои сарҳади давлатӣ  табодули афкор намуданд.

Вохӯрии навбатӣ дар Ҷумҳурии Тоҷикистон барпо мегардад.

27 апрел дар ноҳияи Данғара Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо роҳбарон ва фаъолони вилояти Хатлон мулоқот намуданд.

Дар мулоқот Сарвазири ҷумҳурӣ Қоҳир Расулзода, аъзои Ҳукумати мамлакат, раисони шаҳру ноҳияҳои вилояти Хатлон ва шаҳру ноҳияҳои тобеи ҷумҳурӣ иштирок намуданд.

Имрӯз зимни мулоқот бо роҳбарон ва фаъолони вилояти Хатлон Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон такроран таъкид намуданд, ки бо назардошти вазъи бесуботи бозорҳои ҷаҳонӣ мо бояд ба мардум мунтазам хотиррасон намоем, ки сарфаю сариштакор бошанд, ба намоишкориву зоҳирпарастӣ ва исрофкорӣ роҳ надиҳанд, имконияти худро барои беҳтар кардани шароити зиндагии аҳли оила ва фарзандони хеш сарф намоянд, хабар медиҳад АМИТ «Ховар».