Дар Душанбе ҳамкории Тоҷикистон ва Хазинаи байналмилалии асъор баррасӣ гардид

3 июл Вазири молияи Ҷумҳурии Тоҷикистон Файзиддин Қаҳҳорзода бо муовини Директори иҷроияи Хазинаи байналмилалии асъор Бо Ли, ки ҷиҳати иштирок дар Ҷаласаи гурӯҳи электорати Хазинаи байналмилалии асъор ва Бонки ҷаҳонӣ дар Душанбе қарор дошт, вохӯрӣ намуд. Дар ин хусус АМИТ «Ховар» бо истинод ба Вазорати молия хабар медиҳад.

Дар вохӯрӣ масъалаҳои ҳамкорӣ дар самтҳои пешбурди ислоҳоти иқтисодӣ, нигоҳдории суботи макроиқтисодӣ, дастгирии тавозуни пардохт, таъмини устувории захираҳои байналмилалӣ, инчунин густариши ҳамкориҳо бо шарикони рушд дар соҳаҳои воқеии иқтисодиёт баррасӣ гардиданд.