Ахбор

Имрӯз бори нахуст дар шаҳри Хоруғ бо дастгирии Ҳукумати Ҷумҳурии Тоҷикистон, Кумитаи давлатии сармоягузорӣ ва идораи амволи давлатии Ҷумҳурии Тоҷикистон, мақомоти иҷроияи ҳокимияти давлатии Вилояти Мухтори Кӯҳистони Бадахшон ва шаҳри Хоруғ дар шаҳри Хоруғ Форуми байналмилалии соҳибкории G5 оғоз ёфт. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии шаҳр хабар медиҳад.

Нахуст ҳайати меҳмонон бо намоиши дастовардҳои соҳибкорони вилоят шинос шуданд. Дар идомаи кори форуми соҳибкории G5 навор вобаста ба имконоти рушди соҳибкорӣ манзури иштирокдорон гардонида шуд.

Таъмини муносиби ҳуқуқу озодиҳои инсон ва шаҳрванд яке аз самтҳои муҳими фаъолияти Ҳукумати Ҷумҳурии Тоҷикистон маҳсуб меёбад.

Стратегияи миллии Ҷумҳурии Тоҷикистон дар соҳаи ҳифзи ҳуқуқи инсон барои давраи то соли 2038, ки дар асоси қарори Ҳукумати Ҷумҳурии Тоҷикистон аз 5 августи соли 2023, №357 тасдиқ гардид, иқдоми навбатии Ҳукумати Ҷумҳурии Тоҷикистон дар самти рушди ҳуқуқу озодиҳои инсон ва шаҳрванд ба ҳисоб меравад.

Ҳуҷҷати мазкур аз ҷониби гурӯҳи кории байниидоравӣ бо назардошти стандартҳои байналмилалӣ дар соҳаи ҳуқуқи инсон, тавсияҳои ниҳодҳои соҳавии СММ, инчунин Ҳадафҳои рушди устувор таҳия ва қабул гардидааст.

Вазорати фарҳанг ба таваҷҷуҳи сокинон мерасонад, ки аз 11 то 18 августи 2023 даври дуюми Фестивал-озмуни чумҳуриявии телевизионии эҷодиёти халқ «Андалеб-2023» дар Боғи фарҳангию фароғатии ба номи Садриддин Айнӣ баргузор мегардад:

1 Шаҳри Панҷакент ва

ноҳияи Рӯдакӣ -11 августи соли 2023, соати 18:00,

2 Шаҳри Хуҷанд ва

ноҳияи Синои шаҳри Душанбе – 12 августи соли 2023, соати 18:00,

3. Ноҳияи Хуросон ва

ноҳияи Шуғнон – 13 августи соли 2023, соати 18:00,

4 Шаҳри Ҳисор ва

ноҳияи Рӯшон – 14 августи соли 2023, соати 18:00,

5 Ноҳияи Абдураҳмони Ҷомӣ