«ФУРӮҒИ СУБҲИ ДОНОӢ КИТОБ АСТ». Дар шаҳри Кӯлоб даври сеюми озмуни ҷумҳуриявӣ оғоз шуд
Нашр шуд. Пан, 17/08/2023 - 12:17Дар шаҳри Кӯлоб даври сеюми Озмуни ҷумҳуриявии «Фурӯғи субҳи доноӣ китоб аст» оғоз гардид. Дар он 458 нафар довталабон аз ноҳияҳои минтақа иштирок намуда, байни ҳам маҳорат меозмоянд, иттилоъ медиҳад мухбири АМИТ «Ховар» Сулаймон Холзода.
Қабл аз ифтитоҳ масъулини вилояти Хатлон ва дигар мутасаддиёни озмун ба ҳамаи иштирокчиён муваффақият хоста, аз ҳакамон шаффофияту масъулиятшиносӣ тақозо намуданд.
Масъулин аз таваҷҷуҳи пайвастаи Сарвари давлат нисбат ба китобу китобхонӣ ёдовар шуда, имтиёзҳои дар ин самт созмондодаро махсус таъкид доштанд.