Намояндаи Тоҷикистон дар конференсияи ниҳоии «Ояндаи тағйирёбанда барои амнияти обӣ» дар Африқои Ҷанубӣ иштирок намуд
Нашр шуд. Душ, 06/03/2023 - 18:05Чанде қабл дар Ҷумҳурии Африқои Ҷанубӣ конференсияи ниҳоии «Ояндаи тағйирёбанда барои амнияти обӣ» (TFWS) доир гардид, ки дар он намояндаи Институти масъалаҳои об, гидроэнергетика ва экологияи Академияи миллии илмҳои Тоҷикистон профессор Яраш Пулатов дар он иштирок намуд, хабар медиҳад АМИТ «Ховар» бо истинод ба Институти масъалаҳои об, гидроэнергетика ва экологияи Академияи миллии илмҳои Тоҷикистон.
Конфронси мазкур 185 нафар иштирокчиёнро аз минтақаҳои гуногун ва гурӯҳҳои манфиатдор ҷамъ оварда, он аз тарафи Институти байналхалқии идоракунии об (IWMI), Ширкати машваратӣ оид ба тадқиқоти байналмилалии кишоварзӣ (CGIAR) ва дигар ташкилоти байналмилалӣ ташкил шудааст.