Ахбор

Масъалаи таҳкими ҳамкории Кумитаи ҳифзи муҳити зисти назди Ҳукумати Ҷумҳурии Тоҷикистон бо Агентии Штатҳои Муттаҳидаи Америка оид ба рушди байналмилалӣ ((USAID) доир ба татбиқи Саҳми дар сатҳи миллӣ муайяншудаи Тоҷикистон (NDC) ва гуногунии биологӣ зимни мулоқоти роҳбарияти Кумитаи ҳифзи муҳити зисти ҷумҳурӣ бо муовини маъмур оид ба сиёсат ва барномасозии USAID баррасӣ карда шуд. Дар ин хусус АМИТ «Ховар» бо истинод ба Кумитаи ҳифзи муҳити зисти назди Ҳукумати ҷумҳурӣ иттилоъ додааст.

Мусоҳибон ба ташаббуси навбатии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар бораи эълон намудани соли 2025 Соли байналмилалии ҳифзи пиряхҳо, ки бо қатъномаи Маҷмаи Умумии Созмони Милали Муттаҳид моҳи декабри соли гузашта қабул гардид, таваҷҷуҳи хосса зоҳир намуданд.

Намояндаи USAID аҳаммият ва саривақтӣ будани ташаббусҳои ҷаҳонии Президенти Тоҷикистонро дар соҳаи тағйирёбии иқлим ва об баланд арзёбӣ намуд. Ҳамчунин дар бораи ташаббуси ҷаҳонии Америка ва Иттиҳоди Аврупо – Уҳдадориҳои глобалии метан гуфт, ки давлатҳои аъзо тасмим гирифтаанд, ки то соли 2030 партоби метанро то 30 фоиз коҳиш диҳанд.

Баъд аз ҳазор соли пош хӯрдани давлати Сомониён, хушбахтона, ворисони оли Сомонро имкон фароҳам омад, то давлати нави худро бунёд намоянд.

Вале давлате, ки баъди садсолаҳои бедавлатию нокомӣ ба мардуми тоҷик ато гардид, дере нагузашта, ба хатари парокандагию нобудӣ дучор омад.

Душманону бадхоҳон тавонистанд, ки мардуми тоҷикро дар муддати кӯтоҳ ба ду ҷабҳа тақсим кунанд. Ҷанги шаҳрвандӣ барои бақои давлату миллати мо то ҳадде хатарнок буд, ки баъзан ҳатто бародарро бо бародар, падарро бо писар ва модарро бо духтар паси сангарҳои ба ҳам муқобил гузошт.

Мардум ҳанӯз шаҳди истиқлол ва давлатдории мустақилро начашида, аҳамияти ин неъмати бебаҳоро эҳсос накарда, аллакай вориди муноқишаҳои хунину нангини дохилӣ шуд. Беш аз як миллион шаҳрвандони Тоҷикистон тарки Ватан ва ҷойҳои доимии зист карда, ба азобу уқубати ғарибӣ гирифтор шуданд.

Дар ин айёми мудҳишу пурмасъулият рисолати таърихии ниёгонро абармарди баору номус ва идомадиҳандаи ойини шуҳратманди аҷдодӣ – муҳтарам Эмомалӣ Раҳмон ба даст гирифтанд.

Тавре қаблан иттилоъ дода будем, 20 феврал бо супориши Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Сарвазири Ҷумҳурии Тоҷикистон Қоҳир Расулзода ба шаҳри Хоруғи Вилояти Мухтори Кӯҳистони Бадахшон сафари корӣ анҷом дод. Сарвазири мамлакатро дар ин сафар роҳбарони якчанд вазорату кумитаҳо ҳамроҳӣ намуданд. Гурӯҳи корӣ аввал аз мавзеи фаромадани тарма дар маҳаллаи Носири Хусрави шаҳри Хоруғ дидан намуд.

Ба иттилои Мақомоти иҷроияи ҳокимияти давлатии Вилояти Мухтори Кӯҳистони Бадахшон, дар маҳаллаи мазкур Сарвазири мамлакат бо оилаҳои аз офати табиӣ зарардида мулоқот намуда, изҳор дошт, ки Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон аз лаҳзаҳои аввали сар задани ин офати табиӣ дар фикри мардум буда, алаккай сару либос, рахти хоб ва маводи ғизоӣ барои ин оилаҳо тавассути мошинҳо ба самти вилоят ҳаракат доранд. Таъкид гардид, ки ягон оилаи зарардида аз таваҷҷуҳи роҳбарияти олии мамлакат дар канор намонда, барои дар фурсати кӯтоҳтарин ҷуброн ва барқарор кардани ин зарар тадбирҳои амалӣ роҳандозӣ карда мешаванд.

Нимаи дуюми соли 2023 банаворгирии филми «Ҷомӣ ва Навоӣ» оғоз мегардад. Ин матлаб 17 феврал зимни мулоқоти маҷозии намояндагони Муассисаи давлатии «Тоҷикфилм» ва Агентии миллии «Узбеккино» баён гардид. Дар ин хусус  ба АМИТ «Ховар» дар Муассисаи давлатии «Тоҷикфилм» иттилоъ доданд.

Дар мулоқот оид ба масъалаҳои ба итмом расонидани корҳои таҳрири филмнома, филмномаи коргардонӣ, тасдиқи хароҷоти филм, баргузор кардани интихоб ва оғози филм изҳори назар карда шуд.

Ҳамчунин гуфта шуд, ки ҳафтаи оянда байни муассисаҳои номбаршуда «Харитаи роҳ» ба имзо расонида мешавад.

Ёдовар мешавем, ки ҳангоми сафари расмии Президенти Ҷумҳурии Узбекистон муҳтарам Шавкат Мирзиёев ба Ҷумҳурии Тоҷикистон, ки бо даъвати Президенти Ҷумҳурии Тоҷикистон муҳтарам Эмомалӣ Раҳмон 10-11 июни соли 2021 анҷом дода шуд, Сарони давлатҳо барои банаворгирии филм, яъне муаррифии дӯстии байни халқҳо, аз ҷумла дӯстӣ байни Абдураҳмони Ҷомӣ ва Алишер Навоӣ ба мувофиқа расиданд.

Ҳамчунин дар доираи баргузории  ҷашнвораи байналмилалии филмҳои Тошканд, ки аз 28 сентябр то 3 октябри соли 2022  дар якчанд шаҳри Узбекистон баргузор гардид,   байни Агентии кинематографияи Ҷумҳурии Узбекистон ва Муассисаи давлатии «Тоҷикфилм» Ёддошти банаворбардории филми муштараки бадеии «Ҷомӣ ва Навоӣ» ба имзо расид.