Ахбор

13 феврал дар Донишгоҳи  миллии Тоҷикистон даври умумидонишгоҳии Озмуни ҷумҳуриявии ««Тоҷикон»–оинаи таърихи миллат» оғоз гардид. Дар ин хусус ба АМИТ «Ховар» дар Донишгоҳи миллии Тоҷикистон хабар доданд.

Ректори донишгоҳ, профессор Қобилҷон Хушвахтзода изҳор дошт, ки Озмуни ҷумҳуриявии ««Тоҷикон» – оинаи таърихи миллат» бо мақсади арҷгузорӣ ба таърихи пурифтихори миллати тоҷик, омӯзиши амиқу ҳамаҷонибаи корномаҳои шоистаи ниёгони миллати тоҷик дар тӯли таърих, тақвияти ҳисси худогоҳӣ ва худшиносии миллӣ, ифтихори ватандорӣ, таҳкими ҳофизаи таърихӣ ва ба ин васила, шинохти нақши халқи куҳанбунёду фарҳангсолори тоҷик дар рушди тамаддуни инсоният, ки бо далелҳои раднопазир ва бо такя ба сарчашмаҳои илмию таърихӣ дар китоби мондагору пурарзиши академик Бобоҷон Ғафуров «Тоҷикон» ва дигар асарҳои таърихӣ инъикос ёфтаанд, ба ифтихори 115-солагии академик Бобоҷон Ғафуров гузаронида мешавад.

Зимнан таъкид гардид, ки озмун аввал дар факултетҳо гузаронида шуд, ки дар он 1423 нафар иштирок карда, 158 довталаби арзанда бо пешниҳоди ҳайати ҳакамони факултетҳо ба даври умумидонишгоҳӣ роҳ ёфтанд. Ғолибони ин давр ба даври ноҳиявию шаҳрӣ ва ҷумҳуриявӣ пешниҳод мешаванд.

Дар Кумитаи телевизион ва радиои назди Ҳукумати Ҷумҳурии Тоҷикистон аввалин маҳфили “Хирадмандон” дар соли 2023 гузаронида шуд, ки дар он роҳбари маҳфил, узви Иттифоқи нависандаогни Тоҷикистон Сипеҳр Абуабдуллоҳи Ҳасанзод, аъзои маҳфил ва дигар меҳмонон иштирок доштанд.

Нахуст, роҳбари маҳфил мавзуи баррасишавандаро муаррифӣ намуда, гуфт, ки дар таърихи ҳар миллат шахсиятҳои барҷастае пайдо мешаванд, ки маданияти моддиву маънавии онро ба сатҳи тозаву баланди тараққиёт мерасонанд ва фарҳангу тамаддунашро ба арсаи ҷаҳонӣ мебардоранд. Барои мо чунин шахсият Куруши Кабир буд, ки ба нахустин империяи мутамаддини ориёӣ бунёд гузоштааст.

Созмони СММ оид ба масоили маориф, илм ва фарҳанг (ЮНЕСКО) аз ҷомеаи ҷаҳонӣ даъват ба амал овард, ки ба ғизои мактабӣ ва саломатии мактаббачагон таваҷҷуҳи бештар зоҳир кунанд, дар ҳоле ки тақрибан сеяки муассисаҳои таълимӣ дар саросари ҷаҳон ба оби ошомиданӣ дастрасӣ надоранд. Гузориши марбут ба «Омодаи таҳсил ва рушд мебошем- саломатӣ ва ғизо дар мактабҳои саросари дунё» 8 феврал нашр шуд. Дар ин хусус АМИТ «Ховар» бо истинод ба ТАСС хабар медиҳад.

“Ҳамин тавр, 584 миллион кӯдак ба хизматрасониҳои одии оби ошомиданӣ дар мактабҳо дастрасии маҳдуд доранд ё тамоман надоранд; 2 нафар аз 5 тан чунин кӯдакон дар кишварҳои Африқо дар ҷануби Сахара зиндагӣ мекунанд. Ва дар ҳоле ки тақрибан дар ҳама кишварҳои ҷаҳон хӯроки мактабӣ таъмин мешавад, тахмин карда мешавад, ки 73 миллион кӯдакони осебпазир то ҳол аз ин барномаҳои маҳаллии ғизодиҳии мактабӣ баҳра намебаранд,», изҳор доштанд дар ЮНЕСКО.

Аз 7 то 10 феврал дар Ҷумҳурии Исломии Эрон Намоишгоҳи 16-уми байналмилалии сайёҳӣ ва саноатии Теҳрон баргузор гардид, ки дар он имконоти сайёҳии Тоҷикистон муаррифӣ карда шуданд. Дар ин хусус ба АМИТ «Ховар» дар Кумитаи рушди сайёҳии назди Ҳукумати Ҷумҳурии Тоҷикистон иттилоъ доданд.

Гуфта шуд, ки бо дастгирии Ҳукумати Ҷумҳурии Тоҷикистон дар кори намоишгоҳ намояндагони Кумитаи рушди сайёҳии назди Ҳукумати Ҷумҳурии Тоҷикистон, Сафорати Ҷумҳурии Тоҷикистон дар Ҷумҳурии Исломии Эрон ва роҳбарону намояндагони ширкатҳои сайёҳии ватанӣ иштирок намуданд.

Дар гӯшаи сайёҳии мамлакат бартарияти рақобатнокии Тоҷикистон, аз ҷумла, иқтидори бойи табиӣ, сайёҳии табобатию солимгардонӣ ва имконоти машғулият бо намудҳои сайёҳии экологӣ, варзишию кӯҳнавардӣ, фарҳанги нодир ва тамаддуни бою қадимӣ ба маърази тамошо гузошта шуданд.

АМИТ «Ховар»