Тоҷикистон – кишвари дарёҳои тиллоӣ

Нашр шуд. Чор, 16/03/2022 - 18:17

15 марти соли 2022 кормандони Кумитаи телевизион ва радиои назди Ҳукумати Ҷумҳурии Тоҷикистон дар Осорхонаи миллӣ намоиши мероси нодири ниёгони миллати тоҷик - «Тоҷикистон-кишвари дарёҳои тиллоӣ»-ро тамошо намуданд
Ёдовар мешавем, ки Намоишгоҳи нигораҳои таърихии Тоҷикистон зери унвони «Тоҷикистон – кишвари дарёҳои тиллоӣ» дар Осорхонаи ҳунарҳои осиёии «Гиме»-и шаҳри Париж 13 октябри соли 2021 бо иштироки бевоситаи Президенти Ҷумҳурии Тоҷикистон муҳтарам Эмомалӣ Раҳмон ва Президенти Ҷумҳурии Фаронса муҳтарам Эммануэл Макрон ба ифтихори 30-солагии Истиқлоли давлатии Ҷумҳурии Тоҷикистон ва дар остонаи сисолагии муносибатҳои дипломатии Тоҷикистон ва Фаронса ифтитоҳ ёфта буд.

Мулоқоти раиси Кумитаи телевизион ва радиои назди Ҳукумати Ҷумҳурии Тоҷикистон бо донишҷўёни ДМТ

Нашр шуд. Чор, 16/03/2022 - 15:14

15 марти соли равон раиси Кумитаи телевизион ва радиои назди  Ҳукумати Ҷумҳурии Тоҷикистон Нуриддин Саид бо донишҷўён ва устодони факултети журналистикаи Донишгоҳи миллии Тоҷикистон мулоқот намуд.

Раиси Кумитаи телевизион ва радиои назди Ҳукумати Ҷумҳурии Тоҷикистон донишҷўён ва устодони факултети журналистикаи донишгоҳи

Реҷаи ҳатмии истифодаи ниқобҳои муҳофизатӣ ҷиҳати пешгирӣ ва паҳншавии сирояти коронавируси COVID-19 дар байни аҳолӣ бекор карда мешавад.

Нашр шуд. Шан, 12/03/2022 - 19:22

Аз 15 марти соли 2022  фаъолияти гузаргоҳҳои сарҳади давлатии Ҷумҳурии Тоҷикистон бо Ҷумҳурии Узбекистон ба реҷаи оддӣ гузаронида шуда, назорати бемориҳои сироятӣ танҳо бо пешниҳоди гувоҳнома оид ба ваксинатсияи пурра бар зидди бемории COVID-19 бидуни гузаштан аз озмоиши вирусологӣ нисбат ба сирояти коронавирус дар ҳудуди Тоҷикистон ба роҳ монда мешавад. Дар ин бора имрӯз қарори дахлдори Cитоди ҷумҳуриявӣ оид ба пурзӯр намудани чораҳои зиддиэпидемикӣ барои пешгирии интиқол ва пайдоиши сирояти нави COVID-19 дар Ҷумҳурии Тоҷикистон ба тасвиб расид, хабар медиҳад АМИТ «Ховар».

Таҷлили Рӯзи модар дар Кумита

Нашр шуд. Шан, 05/03/2022 - 17:03

Имрӯз дар Кумитаи телевизион ва радиои назди Ҳукумати Ҷумҳурии Тоҷикистон бо иштироки роҳбарият ва бонувони сохторҳои кумита бахшида ба Рӯзи модар чорабинии идона баргузор гардид.

Нахуст раиси кумита Саид Нуриддин Саид ҳозиринро ба муносибати ин ҷашни зебои баҳор табрику таҳният гуфта, аз ҷумла изҳор дошт, ки модар – тараннумгари зебоӣ, рамзи ҷовидонаи меҳру вафо, идомабахши насли инсон ва ойинҳои неки гузаштагон буда, дар замири фарзандон меҳри Ватан, одобу маънавиёт, эҳсоси баланди худшиносиву худогоҳӣ, ҳисси миллӣ, ифтихори ватандорӣ ва арҷ гузоштан ба арзишҳои инсониро ҷой медиҳад.

Страницы