Ахбор

Баррасии ҳамкориҳо бо ширкати “Ал-Майсан”-и Амороти Муттаҳидаи араб

Нашр шуд. Душ, 27/06/2022 - 12:35

27 июни соли 2022 раиси Кумитаи телевизион ва радиои назди Ҳукумати Ҷумҳурии Тоҷикистон Саид Нуриддин бо директори иҷроияи ширкати “Ал-Майсан”-и Амороти Муттаҳидаи Араб Ҷон Намур мулоқот намуд.

Дар рафти мулоқот масъалаҳо вобаста ба вазъи феълӣ ва дурнамои ҳамкориҳои Кумитаи телевизион ва радиои назди Ҳукумати Ҷумҳурии Тоҷикистон ва ширкати “Ал-Майсан”-и Амороти Муттаҳидаи Араб дар самти таъмини пахши моҳворавии барномаҳои телевизионҳои давлатӣ мавриди баррасӣ қарор гирифт.

Нуриддин Саид аз ҳолати кунунии ҳамкориҳои ҷонибҳо изҳори қаноатмандӣ намуда, омодагии кумитаро ҷиҳати боз ҳам тақвият бахшидани муносибатҳои мутақобилан судманд изҳор дошт.

Тарафҳо оид ба муҳлатҳои наздик ба пахши моҳворавӣ пайваст намудани боз ду шабакаи навтаъсиси давлатӣ, аз ҷумла МД Телевизиони “Илм ва Табиат” ва МД Телевизиони “Сайёҳӣ ва ҳунарҳои мардумӣ” ба мувофиқа расиданд.

Паёми шодбошии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба муносибати 25-солагии Рӯзи ваҳдати миллӣ

Нашр шуд. Душ, 27/06/2022 - 12:10

ТВТ. 27.06.2022.

Ҳамватанони азиз!

Дар таърихи ҳар як халқу миллат воқеаҳое рӯй медиҳанд, ки ҳамчун маҳсули ақлу хиради ҳамон миллат барои пойдории давлат аҳаммияти бузурги ҳаётӣ дошта, ба наслҳои минбаъда ҳамчун чароғи ҳидоят хизмат мекунанд.

Барқарор гардидани сулҳу субот ва расидан ба ваҳдати миллӣ барои миллати тоҷик аз ҷумлаи ҳамин гуна рӯйдодҳои таърихӣ мебошад, ки имрӯзҳо 25-солагии он дар кишвари маҳбубамон таҷлил мегардад.

Ба ин муносибат ҳамаи шумо – мардуми азизи Тоҷикистон ва ҳамватанони бурунмарзиро самимона табрик мегӯям.

Дар ибтидои солҳои навадуми асри гузашта бар асари фитнаву дасисаи хоинони миллати тоҷик ва бадхоҳони давлати тоҷикон мардуми Тоҷикистони соҳибистиқлол ба гирдоби ҷанги таҳмилии шаҳрвандӣ гирифтор гардиданд, ки дар натиҷаи он ҳамаи соҳаҳои ҳаёти ҷомеа ва давлат ба буҳрони фоҷиабор рӯ ба рӯ шуданд.

Хатари бузургтарине, ки дар он айёми вазнин ба миён омада буд, эҳтимоли пароканда гардидани миллати тоҷик ва аз харитаи сиёсии ҷаҳон нест шудани давлати ҷавони тоҷикон буд.

ДАР РОҲИ СУЛҲУ ВАҲДАТ Ба ифтихори 25-солагии Рўзи Ваҳдати миллӣ ва таъсисёбии Ҳаракати ваҳдати миллӣ ва эҳёи Тоҷикистон

Нашр шуд. Шан, 25/06/2022 - 12:15

Ваҳдати миллӣ ҷавҳари асосӣ ва моҳияти истиқлолияти давлатӣ ба ҳисоб рафта, истиқлолиятро  бе ваҳдат  ва  ваҳдати миллиро  бе истиқлолияти  комил тасаввур кардан  ғайриимкон  аст.
Метавон гуфт, ки  имрўз дар кишвари  соҳибистиқлоли мо  ваҳдати миллӣ ҳамчун  ғояи  умумимиллӣ   дар радифи  мафҳумҳои озодиву  истиқлолият   ва  сулҳу  субот пазируфта  шуда, дар тафаккури  мардуми  Тоҷикистон  чун  омили мувозинати пайвастаи сиёсати

Қатораи дӯстӣ ба Самарқанд расид

Нашр шуд. Пан, 23/06/2022 - 10:46

Нахустқатораи масири Душанбе-Тошкент-Душанбе ба вилояти Самарқанд расид. Дар ин бора ҳамкорамон Тоҷиддини Ризвон иттилоъ дод.

Ба зикри мухбири мо, аз намои зоҳирӣ ва навиштаҷоти “Хуш омадед” дарҷшуда дар он зоҳиран бо як самимияти тамом дар интизори меҳмонони кишвари мо буданро ифода менамуд.

“Ҳангоми расидан ба ин вилоят дар истгоҳи шаҳр ҳайати меҳмонон ва мусофирони дохили қатораро дар фазои дустӣ ва дар пасманзари садои карнаю сурнай мизбонон аз ҳисооби масъулини вилоят пешвоз гирифтанд.

Хабарнигорон аз ТВ “Самарқанд” бо мусофирону меҳмонон суҳбат оростанд. Мухбирон бо мусофирону меҳмонон аз ғояти шодӣ бо забони ноби тоҷикӣ суҳбат мекарданду бо эҳсоси шодию фараҳ «Ба шаҳри худатон хуш омадед» мегуфтанд.

Ҳамсуҳбатони самарқандӣ аз кушодашавии сафҳаи нави дӯстӣ дар китоби кишвардори ду давлат ҳамчун фоли нек барои мардумони ду кишвар изҳори умед карданд. Сафари мазкур идома дошта, анҷоми масир шаҳри Тошканд муқаррар шудааст.

Манбаъ: Сомонаи Радиои Точикистон

Страницы